بھٹکل،22؍دسمبر (ایس او نیوز)بحیرۂ عرب میں بھٹکل ساحل سے تقریباً19ناٹیکل میل کی دوری پر انکولہ سے تعلق رکھنے والی ایک ماہی گیر کشتی انجن میں خرابی کاشکار ہوگئی، جس کے بعد وہ ڈوبنے لگی۔ اس وقت کشتی پر6ماہی گیر سوار رتھے۔

خوش قسمتی سے کشتی غرقاب ہونے کا معاملہ مقامی ماہی گیروں کی نظر میں آگیا اور انہوں نے آگے بڑھ کر ڈوبتی کشتی سے تمام ماہی گیروں کو بحفاظت بچالیا۔معلوم ہوا ہے کہ سمندر میں ڈوبنے والی کشتی انکولہ تعلقہ کے بیلمبار کے رہنے والے سریش  کھاروی کی ملکیت تھی۔اس حادثے سے کشتی کے مالک کو لاکھوں روپے کا نقصان ہونے کا اندازہ لگایا گیا ہے۔